راج رشي ديوان ڏيارام گدومل جو جيون چرتر

راج رشي ديوان ڏيارام گدومل جو جيون چرتر

راج رشي ديوان ڏيارام گدومل جو جيون چرتر (ڪتاب): هي ڪتاب ديوان ڏيارام گدومل جي سوانح حيات تي مشتمل آهي، جنهن ۾ سندس علمي، ادبي، ثقافتي ۽ سماجي خدمتن کي نمايان انداز ۾ بيان ڪيو ويو آهي. ان کان سواءِ هن ڪتاب ۾ سنڌ ۽ هند جو اتهاس، ڪجهه ماڳن، مڪانن ۽ شخصيتن جو احوال يادگار تصويرن سان گڏ پڻ ڏنو ويو آهي. ڪتاب جو مصنف پروفيسر شيوارام نرسنگهداس ڦيرواڻي آهي. ڪتاب جو پهريون ڇاپو سال 1938ع ۾ دي پيپل اليڪٽرڪ پرنٽنگ پريس، حيدرآباد مان راءِ بهادر ديوان تاراچند شوقيرام ڇپائي پڌرو ڪيو هو. پڪي بائينڊنگ سان ڪرائون سائيز ۾ ڇپيل 366 صفحن تي مشتمل هن ڪتاب جي قيمت هڪ روپيو ڄاڻايل آهي.
هن ڪتاب جو ٻيو ڇاپو، کاهوڙي پبليڪيشن، سنڌ گرئجوئيٽس ايسوسيئيشن (مرڪز) ڪراچيءَ پاران 2000ع ۾ ڇپايو ويو آهي. هي ڇاپو ڊيمي سائيز جي 280 صفحن تي مشتمل آهي ۽ ان جي قيمت 150 روپيا آهي. هن ڪتاب جي ٽائيٽل تي راج رشي ڏيارام گدو مل جي تصوير ڏني وئي آهي، جيڪا نوجوان مصور منور ابڙي جي تيار ڪيل آهي.

ڪتاب - ڀاڱي جون ٻِيون داخلائون